Bima Mkononi - Bima Binafsi kwa Wateja wa Tigo Pesa

Upatikanaji wa bima ya maisha, hospitali na ajali imerahisishwa. Bima Mkononi inawawezesha wateja wa Tigo kujiunga na bima kiurahisi na kwa karaka kwa kupitia simu zao. Ukijiunga, furahia gharama moja pekee tu kwa watu wote walio kati ya umri wa miaka 18 - 65. Kujiunga inachukua dakika chache tu na unaweza kulipa kwa kupitia Tigo Pesa au kwa kulipa pesa taslimu kwenye kituo chochote cha Tigo huduma kwa wateja.

Jinsi ya kujiunga:

1. Chagua bima unayohitaji, gharama na muda wa kudumu kati ya hizo zilizoorodheshwa hapo chini.
2. Piga *148*15# na ufuate maelekezo

Tupigie simu bure huduma kwa wateja 0659 071 001 kwa maelezo zaidi, msaada na madai ya fidia.

Aina za Bima na Gharama:

1. Bima Mkononi ya Kulazwa:

Fidia hadi Tsh 2,200,000

Bima Mkononi ya Kulazwa inakulinda wewe na Watoto mpaka watano kutokana na kulazwa, kwa kukulipa Tsh 40,000 kwa kila usiku mmoja kwa aliyelazwa, kufikia ukomo wa siku 55 au Tsh 2,200,000 kwa mwaka.

Bei ya Bima:

Madai:

• Utalipwa fidia baada ya kulazwa na kulipa gharama katika hospitali yoyote Tanzania inayolaza wagonjwa kwa siku isiyopungua moja.
• Toa Taarifa ndani ya siku 120 baada ya kulazwa hospitali.
• Malipo yatatumwa kwenye akaunti yako ya Tigo Pesa ndani ya siku tatu za kazi baada ya kupokea nyaraka zifuatazo: Kitambulisho, Fomu ya Kulazwa – yaani discharge summary*, Cheti cha kuzaliwa cha mtoto iwapo mtoto amelazwa au barua ya serikali ya mtaa iwapo mtoto sio wa kumzaa.

*Ripoti ya daktarin na risiti yenye mchanganuo wa malipo itahitajika kwa mtu mzima au mtoto aliyelazwa kwa zaidi ya Siku 5.

Madai yasiyolipwa:

Majeraha ya kujitakia, kujiua, kujihusisha na vurugu, matumizi mabaya ya vilevi au matibabu yasiyo ya lazima, mfano: Upasuaji wa urembo.

2- Bima Mkononi ya Ajali Binafsi

Fidia hadi Tsh 3,000,000

Bima Mkononi ya Ajali Binafsi inakulinda na kifo, ulemavu wa kudumu na kulazwa hospitalini kutokana na ajali. Ukifikwa na umauti, mtegemezi wako atapokea Tsh 3,000,000.

Ikiwa utapata ulemavu wa kudumu, kiwango cha fidia kitategemea aina ya ulemavu. Ikiwa umelazwa kutokana na ajali, utapokea Tsh 30,000 kwa kila usiku ambao utalazwa hospitali.

Bei ya Bima:

Tsh 1,000 kwa mwezi

Madai:

• Malipo yatatumwa kwenye akaunti yako ya Tigo Pesa ndani ya siku tatu za kazi baada ya kupokea nyaraka zifuatazo: Kitambulisho, Cheti cha Kifo, au Ripoti ya daktari inayoonyesha sababu ya ulemavu. Ikiwa umelazwa, ambatanisha ripoti ya kuruhusiwa kutoka hospitalini, kitambulisho na risiti.

Madai yasiyolipwa:

• Majeraha ya kujitakia, kujiua, kujihusisha katika vita, matumizi mabaya ya vilevi au madawa ya kulevya
• Matatizo ambayo tayari mdai anayo.
• Matibabu yasiyo ya lazima yaliyochaguliwa na mgonjwa mfano upasuaji wa urembo.
• Matibabu baada ya tukio (yasiyotokana moja kwa moja na ajali)

3- Bima Mkononi ya Maisha:

Fidia hadi TSh 1,000,000

Bima Mkononi ya Maisha inakulinda wewe na mtegemezi uliyemchagua. Ukifikwa na umauti, mtegemezi wako atapokea Tsh 1,000,000. Ikiwa mtegemezi wako atafariki utapokea TSh 500,000

Bei ya Bima:

TSh 1,500 kwa mwezi

Madai:

• Toa taarifa ya madai ndani ya siku 90 baada ya kifo cha aliyechukuliwa bima
• Malipo yatatumwa kwenye akaunti yako ya Tigo Pesa ndani ya siku tatu za kazi baada ya kupokea nyaraka zifuatazo: Kitambulisho na Cheti cha kifo au Ripoti ya Daktari inayoonyesha sababu ya kifo au kibali cha mazishi.

Madai yasiyolipwa:

• Majeraha ya kujitakia, kujiua, kujihusisha katika vita, matumizi mabaya ya vilevi au madawa ya kulevya.