Tigo yazindua huduma ya kipekee ya Tigo Games

huduma mpya ya michezo kidijitali ijulikanayo kama Tigo Games. Tigo Games ni huduma katika wavuti  ambayo imesheheni  michezo mingi kwa ajili ya wateja wa Tigo wenyeSmartphone au tablet zinazotumia mfumo wa Android ambao wataweza kupata huduma hii kwa kupakuaApp ya Tigo Games. Kwa wateja wenye simu za kawaida zilizo na intaneti watapata huduma hii katika tovuti ya Tigo Games.

 Michezo zaidi ya 800 inapatikana kupitia huduma hii ikiwemo michezo maarufu ambayo ni pamoja na Buddy Man, Cut the Robe, Zombie Run na Tokyo Drift.

 Akizungumza wakati wa uzinduzi  wa huduma hii mpya jijini Dar es Salaam, Meneja Mkuu wa Tigo, Diego Gutierrez alisema, “ Huduma hii mpya ya  michezo  inaifanya Tigo kuwa ya kwanza katikamitandao ya simu Tanzania  kutoa jukwaa la michezo linaloweza kutumiwa  na watu wengi ambapo wateja wa Tigo  wanaweza kucheza michezo mbalimbali  kulingana na chaguo lao kwa gharama wanayoimudu. Tigo imejikita kuendelea kusimamia maslahi ya wateja wake kwa kutoa  bidhaa nyingine nyingi  kwa ajili ya manufaa ya kuwa na simu za kisasa.”

 “Tigo sasa ndio inaongoza katika upatikanaji wa huduma ya 4G LTE nchini, na kwa sasa huduma hii inapatikana katika miji mikubwa 12. Tunaamini kwamba wateja wetu watafaidika sana kutokana na intaneti yenye kasi zaidi itakayo wawezesha kupakua na kucheza michezo hii,” alisema Gutierrez.

Tigo Games ni huduma ambayo mteja akichajua kulipia mara moja, ataweza kuchagua michezoaipendayo na kuicheza atakavyo wakati wowote.  Kuna VIP Club ambayo inampa mteja uamuzi wa kujiunga na kifurushi cha siku, wiki na hata mwezi; pia kinamruhusu mteja kupakua michezo bila kikomo.

 Mteja ataweza kucheza michezo kwa mda wowote autakao bila makato yeyote. Malipo ya utumiaji wa data kadri mteja anaendelea kucheza ndio yatakayo hitajika. Uzinduzi wa VIP Games Club utakapofanyika, siku 7 za mwanzo wateja wataweza kufurahia huduma bure kwa kutembelea wovuti huu: http://burudani.tigo.co.tz/games

 “Kuanzishwa kwa bidhaa hii  kupo kwenye mikakati ya Tigo  ya kuwapatia wateja wake  bidhaa na huduma zilizo na ubora duniani  ambazo  zinawawezesha  kufurahia kwa ujumla maisha ya  kidijitali,” alisema Gutierrez.